Siuarsaanermut qularnaveeqqusiineq

Greenland Venture-mi siuarsaanissamut qularnaveeqqussiisinnaaneq.

 

Greenland Venture A/S aningaasaliisarfittut suliami ilaatut siuarsaanermut qularnaveeqqusiinissamik neqerooruteqarpoq. Greenland Venture A/S aningaasevimmi attartukkat affai qularnaveeqqusersinnaavai.

 

Qularnaveeqquserneqarsinnaasut tassaapput pilersinniakkat imminnut napatissinnaasut.

 

Greenland Venture-p pilersinniakkap aningaasasiorsinnaanerminnut pisinnaasai nalilersortarpai ilanngullugit nalilersorneqartarput pilersinniakkap aqunnneqarnissaanut pilersaaruit aammalu niuerfiusussami periarfissat.

 

Pilersaarutit nutaaliortuuneri nalilersorneqartarputtaaq pilersinnniakkallu unammillertuussanngillat. 

 

Qularnaveeqquserneqarnissamik periarfissat suliaqarfiusunut nutaanuinnaq periarfissaassanngilaq tassami pilersaarutit suliaqarfiusuni ineriartortuni annertusiartortunilu inissisimasut aamma qularnaveeqquserneqarnissamut periarfissinneqassammata.

 

Pilersaarutit suliaqarfiusuni ikittunik suliaqartoqarfiusuni pilersinniakkap sanarfineqarnera nutaaliortuuppat aamma qularnaveeqquserneqarsinnaanerminut periarfissaqassaaq.

 

Greenland Venture A/S qinnuteqaatip nalilersornerani nalilersortarpaa ingerlattassap sanarfineqarnera, avatangiisit, ingerlatsinissamut pilersaarut, iluanaarutissat piginneqataajunnaarnissamullu periarfissat.

 

Aallartitsiniat kommunip siunnersuisartuinut saaffiginnittassapput, tassani aallartitsiniarnermut siunnersorneqarnissamut periarfissaqarmat aammalu tassani qinnuteqaat pineqarsinnaalluni.

 

Greenland Venture A/S-ip piumasaasa ilagaat missingersuutit naatsorsuuserisumit atsiorneqarsimasut qinnuteqaammut ilanngullugit nassiunneqarnissaat, tassungalu atugassanik klippekortimik kommunit siunnersuisarfiini qinnuteqartoqarsinnaavoq. 

 

Qinnuteqaaammut ilanngullugu aamma piumasaqaataavoq aningaaserivimmiit attortortinneqarsinnaanermut akuersissut. Tassunga ilanngullugu ilisimatitsissutigineqassaaq attartugassat agguataarneri kiisalu pigisanik qularnaveeqqusiisoqarsimappat ilanngullugu paasissutissallu allat tassunga attuumassutillit ilisimatitissutigineqarnissaat.

 

Pilersinniakkat qularnaveeqquserneqarnissamik akuerineqarsimasut malinnaaffigineqarnissaanik piumasaqaateqarpoq, tamannali pilersitsiniartunut ataatsiakkaanut akuersissummi qanoq ittuussaneranik ilisimatitissutigineqartarpoq.

PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND VENTURE · A/S Boks 1068 · 3900 Nuuk · Grønland · Tlf: +299 342880 · Email: Info@venture.gl · GER: 17 54 83 87
;