Qinnuteqarnerup ingerlanissaa

Suliffeqarfiup aningaasaliiffiginissaanut qinnuteqarnermi tunngavilersorluakkamik assigiiaartumillu suleriaaseqarpugut.

Qinnuteqarnerup ingerlarnga

1

Suliffeqarfiup aningaasaliiffigineqarnissaanut qinnuteqaat nassiutissavat

Qinnuteqarfissami qinnuteqaat pappilissallu allat piumasaqaataasut Greenland Venturimut nassiutissavatit. Pappilissat piumasaqaataasut uunga iserlutit takukkit Aningaasaliiffigineqarnissamut qinnuteqaat.
2

Investment Manageri qinnuteqaatit misissorlugu naliliissaaq

Suliffeqarfinnit qinnuteqaasiat, pappilissat piumasaqaataasut allat kiisalu illit attaveqatiginerit naapertorlugu Investment Managerip Greenland Venturimeersup qinnuteqaatit nalilersussavaa, qanorlu suliffeqarfiit ilusilersugaanersoq paasiniarlugu. Misissuinermi naliliinerup aamma siunertaraa Greenland Venturip aningaasaliissaguni aningaasat uteqqinnissaat qulakkeerneqarsinnaanersoq.
3

Investment Manageri innersuussummik sanassaaq

Innersuussineq aningaasaliinissamut qulakkeerinerunngilaq. Qinnuteqaatit nalilersoreernerisa kingorna Investment Manageri innersuussissummik sanassaaq. Innersuussineq Greenland Venturip siulersuisuinut siunnersuutaassaaq suliffeqarfik qanoq Greenland Venturimit aningaasaliiffigineqassanersoq. Suliap ingerlanerani pisariaqartitsinerillu naapertorlugu Investment Managerimik Greenland Venturimeersumik oqaloqateqartuaannarsinnaavutit.

 

Læs mere

.

Atorsinnaanermut innersuussinermi uku paasissutissiissutigineqassapput:

  • Aningaasaliinissamut pilersaarut, tassani aningaasaliinerup qanoq pilersaarutigineqarnera takuneqarsinnaassaaq. Aningaasat sumut atorneqassappat.
  • Taarsigassaviit, atornermi aningaasat tamarmik annertussusissaat aningaasartuutillu saniatigut allat ersissapput
  • Pilersitsinermut akitsuut
  • Atornerup qanoq ittuunera
  • Akilersuinerup sivisussusissaa
  • Erniat
  • Aningaasanik atornermut tunngasut allat
  • Atornermut qularnaveeqqusiussat
  • Covenants, tassaavoq Greenland Venturip suliffeqarfimmilu piginnittup akornanni isumaqatigiissusiaq pituttuisoq, isumaqatigiissummi aningaasanut atornerup avataatigut piumasaqaataasunut allanut tunngassuteqarpoq atorniarnermut isumaqatigiissummik sanasimagaanni.

Aningaasaliinermut piginneqataalerfiusumut innersuussinermi uku paasissutissiissutigineqassapput:

  • Greenland Venturip suliffeqarfimmut aningaasaliissutaa
  • Piginneqatigiissut procentinngorlugu
  • Piginneqatigiissutip ernialersornera
  • Piginneqataajunnaarnissamut pilersaarut
  • Suliffeqarfimmut aningaasalersukkamut siulersuisoqarnermut atugassarititat
  • Piginneqatigiinnermi isumaqatigiissut
  • Atornermik aningaasalersuinermut tunngasut allat

Minimer

4

Investment Manageri siulersuisunut innersuussummik nassiussissaaq

Investment Manageri aningaasaliinissamut siulersuisunut innersuussummik nassiussissaaq.

Innersuussineq suliffeqarfik aningaasaliiffigineqassanersoq aningaasaliiffigineqassannginnersorluunniit aalajangiinissamut atorneqassaaq.

Innersuussinermut ilanngullugit pappilissat qinnuteqaasiorninni ilanngussatit siulersuisunut nassiunneqarsinnaapput.

5

Greenland Venturip siulersuisuisa aningaasaliisoqassanersoq aalajangissavaat

Investment Managerimit innersuussineq illit suleqatigalugit suliarineqarsimasoq aallaavigalugu, pappilissallu assigiinngitsut qinnuteqaasiornermi ilanngunneqarsimasut ilanngullugit Greenland Venturip siulersuisuisa suliffeqarfiutit aningaasalerneqassanersoq aningaasalerneqassannginnersorluunniit naliliiffigissavaat.
6

Greenland Venturimit qinnuteqaammut akissut ilinnut nassiunneqassaaq

Greenland Venturip siulersuisuisa suliffeqarfik aningaasaliiffigineqarnissaminut neriorsuummik  itigartitsissummilluunniit tunineqassanersoq aalajangiiffigereerpassuk Greenland Venturimit aalajangiineq pillugu nalunaarfigineqassaatit.

 

Læs mere

Itigartitsineq

Itigartitsineq isumaqarpoq suliffeqarfimmut aningaasaliiffigineqarnissamut qinnuteqaat iluatsinngitsoq. Itigartitsinermi allakkami naatsumik nassuiaatigineqassaaq sooq suliffeqarfik aningaasaliiffigineqarnissaminut itigartinneqarnersoq. Suliffeqarfik itigartinneqarsimappat aningaasaliinissamut suliaq tamaanga killeqassaaq.

Neriorsuut

Neriorsuummik ilimasaarneqarneq isumaqarpoq suliffeqarfiup aningaasaliiffigitinnissamut qinnuteqaataa akuerineqarsimasoq, taamaattumillu Greenland Venturimit aningaasaliiffigineqarnissamut periarfissaqartoq. Aningaasaliiffigineqarnissamut piumasaqaatit siulersuisut akuerisinnaavaat imaluunniit allanngortinneqarlutik tulluussarneqarlutilluunniit, tamanna ima pisinnaavoq:

  • Qinnuteqaasiornermi siunnersuutigineqartut atuutsiinnarneqarsinnaapput imaluunniit
  • Siulersuisut piumasaqaatit allanngortissinnaavaat suliffeqarfimmullu tulluussarlugit ilinnit akuerisassanngorlugit.

Minimer

7

Neriorsuut akuerissavat

Neriorsuut tassaavoq suliffeqarfimmut neqeroorutaasoq, taanna suliffeqarfimmut akisussaasup aningaasaliineq atuutilertinneqassappat akuerissavaa.
8

Greenland Venture isumaqatigiissummik ilinnut nassiussissaaq

Suliffeqarfimmut akisussaasup neriorsuut akuerereerpagu una periuseq atorneqassaaq:

 

Atorneq

Atornermut pappilissat uku Greenland Venturimit nassiunneqassapput:

  1. Atornermut isumaqatigiissut, aamma akiligassaqarnermut uppernarsaammik taaneqartartoq
  2. Qularnaveeqqusiussaqarluni taarsigassarsinermut allagartaq suliffeqarfik sinnerlugu qinnuteqartumit atsiorneqassaaq.

Aningaasaliineq

Suliffeqarfimmut akisussaasup Greenland Venturillu kia piginnittuunermut isumaqatigiissut akisussaaffigissaneraa aalajangerneqassaaq, taanna illuatungeriinnik atsiorneqassaaq.

9

Aningaasat tunniunneqarneri

Isumaqatigiissutigineqartoq malillugu aningaasat suliffeqarfimmut nuunneqassapput.

Greenland Venturimi qinnuteqarnerup ingerlanerani suliaqarfiit

Investment Managerit

Greenland Venturimi Investment Managerit illit suleqatigalutit suliffeqarfinnut qinnuteqaasiorninni siulersuisunut innersuussummik suliaqartussaapput.

Læs mere

Suleqatigiinnerup qulakkiissavaa Greenland Venturip suliffeqarfiup aningaasaqarnikkut inissisimaneranut nalunngisaqarluarnissaa, taamaalillunilu suliffeqarfimmut tulluuttumik pitsaanerpaamik siunnersuusiorsinnaanissaq anguneqarsinnaassalluni.

Greenland Venturimit Investment Managerit aalajangiinermut attuumassuteqanngillat, tamanna siulersuisunit isumagineqartarmat. Investment Managerit taamaammat akunnermiliuttuupput suliffeqarfiup siulersuisullu akornanni.

Minimer

Siulersuisut

Siulersuisut Investment Managerit suliffeqarfimmut aningaasaliinissamut innersuussinerat naliliiffigissavaat.

Læs mere

Siulersuisut Investment Managerit itisileeqqullugit ataatsimeeqatigiumasinnaavaat, paasissutissat eqqortumik paasisimanerlugit qulakkeerniarlugu.

Siulersuisut Investment Managerit qinnuteqartumut neriorsuummik tunissavaat, taanna suliffeqarfiup aningaasaliiffigineqarsinnaaneranut suullu piumasaqaatit aallaavigalugit Greenland Venturimit aningaasaliineq pissanersoq paasissutissanik imaqassaaq.

Greenland Venture Vækstfondenillu suleqatiginnerat pillugu immikkut eqqaasassat

Aningaasat qinnutigineqartut annertusiartortillugit paasissutissanik amerlanernik piumasaqarneq naatsorsuutigineqassaaq. Aningaasat qinnutigineqartut DKK 4.000.000-it sinnerpagit Greenland Venturip Vækstfonden suliami ilanngutissavaa.

Investment Managerimik Greenland Venturimeersumik attaveqarnissannut tikilluaqquneqareerputit, taassuma paasissutissanik amerlanerusunik ikiorsinnaavaatit.

Minimer

Qinnuteqarnissamut
piumasaqaatit

Aningaasalersuinermut
qinnuteqarit

Aningaasalersuinis-
samut periarfissat

Aningaasalersortinnis-
qinnuteqarit

Greenland Venture attavigiuk