Atornermi piumasaqaatinut nassuiaatit

Suliffeqarfik Greenland Venturemut atornermut imaluunniit piginnittuunermut isumaqatigiissusiorsimappat isumaqatigiissummi piumasaqaatit aalajangersimasut nassuiarneqassapput.

Atornermut akitsuut erniallu

Suliffeqarfiup atornermut isumaqatigiissutaani erseqqissumik allaqqassaaq aallartitsinermut akitsuutip erniallu annertussusaat.

Greenland Venturemi erniat qaffasinnerusut

Greenland Venturemi erniat qaffasinnerunissaat naatsorsuutigissavat pissutigalugu Greenland Venture:

  • Aningaaserivinni namminersortunisut atortsitsinermi qularnaveeqquteqannginnamik
  • Aningaaseriviit allat unammillertussaannginnamigit

Atornerup akilersornerata sivisussusaa

Suliffeqarfiup atornermut isumaqatigiissutaani ersarissumik paasissutissiissutigineqassaaq qaqugukkut suliffeqarfiup Greenland Venturemut atukkani akilereersimassanerai.

Suliffeqarfiup atugaanut akilersuinissamut pilersaarut aningaasaliiffigineqarnissamut neriorsuummut ilanngullugu Greenland Venturemit tunniunneqassaaq, tassani paasissutissat uku ilanngunneqassapput:

  • Ullut akiliiffissat
  • Akiliinissat akuttussusai
  • Kingullermik akiliiffissap ullua

Qularnaveeqqusiineq

Greenland Venture qularnaveeqqusiilluni atukkiisarpoq.

Qularnaveeqqusiinerit ukuusinnaapput:

  • Pigisanik nalilinnik qularnaveeqqusiineq
  • Nammineq akiligassalittut akiliussisussamaasiineq, tassa nammineq akiliisussanngorluni qularnaveeqqusiineq
  • Suliffeqarfik akiliussisussamaateqarluni
  • Akiitsoqartup pisassaqarfiinit ingerlatinneqartussanngortitsineq

Akilersuinissaq

Suliffeqarfiup atornermut isumaqatigiissutaani erseqqissumik allassimassaaq suliffeqarfiup qaqugukkut Greenland Venturemut atukkani akilersulissanerai.

Suliffeqarfik Greenland Venturemit aningaasaliiffigineqarnissamik neriorsuummik pisimaguni atornermut isumaqatigiissusiornermi isumaqatigiissutigineqarsinnaavoq piffissami aalajangersimasumi akileraarutitaqanngitsumik atorsinnaalluni.

Greenland Venture attavigiuk

Attavigitigut